(1969) Las termas romanas

link

Con esto del "milenario"
tamos tos desconcertaos
pos non sabemos tovía
dónde taba el balneario,
la casa los afogaos
ni'ande salía el tranvía
que fai años fo' quitao.

L'único que tenemos
pa'les escueles de neñes
ye lo que llamen les Termes,
que son unos vieyos baños
que al' paecer los romanos
usaben pa'los calcaños
o'pa llavase les manes.

Fixéronse excavadures
pa ver don'diben parar
fartándose de rotures
per baxo y arriba el suelu,
pa' dir parar a la mar,
sufriendo gran desconsuelu
al non tener qué topar.

A esi home que fai planos
mandáronlu, enfocicao,
a que topase romanos.
Volviendo, mi alma, a cavar,
faciendo muchos furacos,
alcontráronse güesacos
otra vez xunto a la mar.

Al topar güesos humanos
dientro d'una tapadera
dixeron qu'eren romanos
d'una remota era
c'había pates y manes
y d'alguna calavera.

Vino un home a miralos,
olvidóseme dond'era,
y mandó pronto tapales
per que yera la güesera
d'una vieya catacumba,
pos al rico que morriera
daben na'iglesia la tumba.

Con'esto afogóse la cosa
y non ficieron más planos,
pos ye cosa empalagosa
ponése a buscar romanos.
Así que ya lo sabéis neñes;
contentaivos con les termes
pa dir a llavar... les manes.

Son tanto los cronicones
que falen de los romanos
d'esta buena población,
que voy decir una ripia:
"aquí non hay más solución
que seguir llamando GIGIA
a lo que hoy ye XIXON".